Daginn gott fólk.
Góður dagur í dag, föstudagurinn langi. Nú, hér
er það Sverrir sem situr við lyklana í þetta skiptið með hann
Daníel í shotgunninu. Vikan hjá mér var skemmtileg og fljót að
líða. Fór suður þann 30. mars, í ógeðis veðri með Magga Nivea sem
ferðafélaga, og var sú ferð skemmtileg. Komum suður í rokið og
ógeðið! 
En á föstudeginum var bara farið í heimsóknir og
svoleiðis. Svo á laugardeginum var auðvitað farið í Smáralindina!
Ójá! Það var stuð, verzlað alveg hreint út og inn. Svo seinna á
daginn fór ég í fermingarveislu til frænda míns. Sú veisla var góð
og ekki var maturinn sem verstur. Svo var bara farið heim um svona
7 leytið og legið í leti þangað til að ég fór og hitti Magga Nivea
og Öddu vinkonu hans og við fórum í bíó.
Á sunnudeginum fór ég í aðra fermingarveislu.
Endalausar veislur. Þá var hann Óliver að fermast, sú veisla var
eins og hin. Gott fóður, mikið étið. Og náttúrulega farið beint
heim í leti eftir það!
Mánudagurinn var hinn venjulegasti, man voða
lítið eftir því sem ég gerði, svo að ég ætla ekkert að bulla neitt
um hann að svo stöddu.
Þriðjudagurinn var skemmtilega-skemmtilegur,
fórum í heimsókn niður á Reykjanes að heimsækja vinafólk okkar sem
að býr þar. Sú heimsókn var einkar skemmtileg að vissu leyti, jafnt
sem öðru. Þar átum við flatbökur og ýmislegt annað góðgæti. Síðan
eftir þá heimsókn fórum við í enn aðra, til frændfólks okkar.
Skemmtileg ferðasaga ekki satt ? Endalausar heimsóknir, takk fyrir
kærlega.
Eftir þriðjudaginn kom auðvitað miðvikudagur. Þar
var ég bara með frænda mínum að horfa á spólur og svona fínerí. Svo
var bara farið seint að sofa og vaknað um hádegisbil á
fimmtudeginum. Þá var farið í Kringluna og Smáralindina, skoðað og
svona, gaman það!
Eftir að hafa verzlað, og farið heim, var haldið í
matarboð. Gott nautakjöt þar ferð, með sykruðum kartöflum, gulum og
grænum baunum, sveppa sósu og jólaöli öllu blandað saman uppí í
forugum kjöftum svangra ferðalanga!
Eftir þennan dýrindiskvöldverð fórum við í heimsókn,
og svo bara heima að sofa! Því langt ferðalag fyrir höndum daginn
eftir.
Á föstudeginum var ræst allt liðið klukkan 7,
hent í bílinn og þrykkt norður á bóginn! Komum um eitt leytið í
dag. Skemmtileg ferð. En öll ferðin sjálf var hins vegar mjög
skemmtileg, og geggjað að hitta allt skyldfólkið sem maður hittir
alltof sjaldan!
En takk fyrir mig í bili. Og einnig komið að
einhverjum öðrum að blogga. En veriði bless.
Sverrir Nivea---